स्याङ्जा–२ मा पद्मा अर्याललाई प्रारम्भिक अग्रता
काठमाडौँ, १५ मंसिर । प्रतिनिधिसभा तथा प्रदेश सभा सदस्य चुनावअन्तर्गत स्याङ्जाको क्षेत्र नम्बर २ मा प्रारम्भिक मतगणनामा नेकपा (एमाले)ले अग्रता लिएको छ ।
गल्याङ नगरपालिका ६ र ७ तथा भिरकोट–५ र ६ को गणना हुँदा एमालेकी उम्मेदवार पद्मा अर्याल ४४४ मतले अगाडि छिन् ।
पछिल्लो विवरणअनुसार एमालेकी अर्यालले २ हजार ६४८ मत प्राप्त गरेकी छन् भने उनका निकटतम् प्रतिस्पर्धी नेपाली कांग्रेसका धनराज गुरूङले २ हजार २०४ मतसहित पछ्याइरहेका छन् । त्यस्तै, राष्ट्रिय स्वतन्त्र पार्टी टीकाराम गुरूङले ५१२ मत प्राप्त गरेका छन् ।
स्याङ्जा २ मा ७० हजार १९१ मत खसेको छ । स्याङ्जामा गएरातिदेखि मतगणना सुरू भएको हो ।