धरान, १२ मंसिर । सुनसरी क्षेत्र नम्बर १ बाट जनता समाजवादी पार्टी (जसपा)का उम्मेदवार अशोककुमार राई प्रतिनिधिसभा सदस्यमा निर्वाचित भएका छन् ।
उनी १७ हजार ५९ मत ल्याएर निर्वाचित भएका हुन् । मतगणनामा सुरूदेखि नै पछि परेका राईले आइतबारदेखि भने अग्रता लिएका थिए ।
राष्ट्रिय स्वतन्त्र पार्टीकी उम्मेदवार गोमा तामाङलाई पराजित गर्दै राईले प्रतिनिधिसभा सदस्यमा सफलता पाएका हुन् ।
घन्टी चुनाव चिन्हकी तामाङले १६ हजार ६०६ मत प्राप्त गरेकी छन् । सुनसरी–१मा जसपालाई नेकपा (एमाले)ले समर्थन गरेको थियो ।