दाङ–२ मा रेखा शर्मा १,८०९ मतले अघि
दाङ, ६ मंसिर । दाङ क्षेत्र नम्बर २ मा नेकपा (माओवादी केन्द्र)की रेखा शर्माले १८०९ मतान्तरसहित अग्रता कायम गरेकी छन् ।
प्रदेश तथा प्रतिनिधिसभा निर्वाचनको जारी मतगणनामा ८ हजार ६१६ मत ल्याएकी छन् । उनका निकटतम् प्रतिद्वन्द्वी नेकपा (एमाले)का महासचिव शंकर पोखरेलले ६ हजार ८०७ मत प्राप्त गरेका छन् ।
हाल यस क्षेत्रमा कुल २० हजार ६७८ मतगणना भएको छ । कुल १ लाख ३३ हजार सात सय ४८ मतदाता रहेकामा ७९ हजार ४४६ मत खसेको निर्वाचन आयोगले जनाएको छ ।