दोस्रो स्थानमा उक्लिए रवि लामिछाने, एमालेको अग्रता कायमै
काठमाडौँ, ६ मंसिर । चितवन–२ मा मंगलबार बिहान साढे ६ बजेसम्म आइपुग्दा घन्टी चिन्ह लिएर चुनाव लडिरहेका राष्ट्रिय स्वतन्त्र पार्टीका रवि लामिछाने दोस्रो स्थानमा उक्लिएका छन् ।
मतगणना सुरू भएदेखि लगातार तेस्रो स्थानमा रहँदै आएका लामिछाने नेपाली कांग्रेसका उमेश श्रेष्ठलाई उछिन्दै दोस्रो स्थानमा पुगेका हुन् ।
अहिलेसम्म ७ हजार ४१ मत गन्दा लामिछानेले २ हजार २२७ मत ल्याएका छन् भने श्रेष्ठको २ हजार ३६ मत छ ।
यहाँ नेकपा एमालेका कृष्णभक्त पोखरेलले आफ्नो अग्रता कायमै राखेका छन् । उनले २ हजार ३३१ मत ल्याएका छन् ।