ललितपुर २ मा एमालेको फराकिलो अग्रता
काठमाडौँ, ५ मंसिर । ललितपुर–२ मा अहिलेसम्म ३७ हजार ९१४ मत गणना भएको छ । निर्वाचन अधिकृत दीपशिखा मुनाकर्मीका अनुसार साँझ साढे ७ बजेसम्म सो मत गणना भएको हो ।
जसमा नेकपा (एमाले)ले अग्रता जारी राखेको छ । सूर्य चिन्ह लिएका प्रेम महर्जनले १० हजार ३०३ मत ल्याएका छन् । यस्तै लौरो चिन्ह लिएका सुदिन शाक्यले ७ हजार ८८४ मत पाएका छन् ।
ललितपुरमा–२ मा तेस्रो स्थानमा राष्ट्रिय स्वतन्त्र पार्टी छ । उसले ६ हजार ६८ मत ल्याएको छ ।
यसैगरी निर्वतमान सांसदसमेत रहेका सत्ता गठबन्धनका उम्मेदवार नेकपा (एकीकृत समाजवादी)का कृष्णलाल महर्जनले ६ हजार ४८६ मत पाएका छन् ।
अब सो क्षेत्रमा झन्डै १२ हजार मत मात्र गन्न बाँकी छ ।