च्याम्पियन्स लिग : रियल मड्रिड शीर्षस्थानमा
काठमाडौँ, १७ कात्तिक । युइएफए च्याम्पियन्स लिग फुटबलअन्तर्गत सेन्टिकलाई ५–१ अन्तरले हराउँदै रियल मड्रिडले समूह एफ मा शीर्ष स्थान पक्का गरेको छ ।
बुधबार रातिको जितसँगै रियल १३ अंकसहित शीर्षस्थानमा रहेको हो । १२ अंक बनाएको आरबी लाइपजिक दोस्रो स्थानमा रह्यो ।
तेस्रो स्थानको सख्तर डोनेस्कको ६ र चौथो स्थानको सेल्टिकले दुई अंक मात्र जोड्यो । सख्तर र सेल्टिक समूह चरणबाट माथि बढ्न असफल भएका छन् ।
घरेलु मैदानमा रियललाई जित दिलाउन लुका मोड्रिक, रोड्रिगो, मार्को एसेन्सियो, भिनिसियस जुनिअर र फेडेरिको भाल्भल्डेले समान एक–एक गोल गरेका थिए । सेल्टिकका लागि जोटाले एक गोल फर्काएका हुन् ।
राति नै भएको खेलमा लाइपजिकले सख्तर डोनेस्कलाई ४–० ले निराश पार्यो ।