रेक्की ध्यान केन्द्रमा पुरिएर एकै परिवारका तीन जनाको मृत्यु
काठमाडौँ, २१ असोज । काठमाडौँको चन्द्रागिरि नगरपालिका-२ मा पहिरोले ध्यान केन्द्र पुरिँदा एकै परिवारका ३ जनाको मृत्यु भएको छ ।
नगरपालिकाको वडा नम्बर २ देउराली नजिक मसिने जाने बाटोमा रहेको रेक्की ध्यान केन्द्रमा माथिबाट आएको पहिरोले पुरिँदा ३ जनाको मृत्यु भएको वडाध्यक्ष भाइकृष्ण तामाङले जानकारी दिए ।
मृत्यु हुनेमा ५२ वर्षीय राजु श्रेष्ठ, उनकी श्रीमती ४५ वर्षीया रेखा श्रेष्ठ र डेढ वर्षकी उनकी छोरी सारथि रहेको उनले जानकारी दिए ।
अविरल वर्षापछि मध्यरातमा आएको पहिरोले ध्यान केन्द्र पुरिएको हो ।