समिट एयरको जहाज पोखरामा आकस्मिक अवतरण
काठमाडौँ, १९ भदौ । पोखराबाट जोमसोम उडान भरेको समिट एयर प्राविधिक समस्यापछि आकस्मिक अवतरण गरेको छ । पोखरा विमानस्थलबाट जोमसोमका लागि उडेको समिट एयरको जहाज ५–७ मिनेटमै पोखरा अवतरण गरेको हो ।
पोखरा विमानस्थलका सूचना अधिकारी देवराज सुवेदीले प्राविधिक समस्या आएपछि जहाज पोखरा नै फिर्ता भएको जानकारी दिए ।
जहाजकम १८ जना यात्रु रहेका थिए । सबै यात्रुलाई सकुसल अवतरण गराइएको छ ।
गत जेठमा पोखराबाट जोमसोम उडानको क्रममा तारा एयरको जहाज दुर्घटनापछि लामो समय उडान हुन सकेका थिएनन् । साउन २ गतेदेखि समिट एयरले नियमित उडान थालेको थियो ।