कपिलवस्तुमा बस र टिपर ठोक्किँदा २१ जना घाइते
कपिलवस्तु, १२ भदौ । कपिलवस्तुको बुद्धभूमि नगरपालिका–१० मा आज भएको सवारी दुर्घटनामा २१ जना घाइते भएका छन् ।
तौलिहवाबाट काठमाडौँतर्फ आउँदै गरेको बा२ख ६६६० नम्बरको हाइस र विपरीत दिशाबाट जाँदै गरेको ना८ख ६६९७ नम्बरको टिपर आज दिउँसो पौने १ बजे ठोक्किएका थिए ।
दुर्घटनामा हाइसमा सवार २१ जना घाइते भएका हुन् । घाइते सबैलाई उपचारका लागि जिल्ला अस्पताल तौलिहवा पठाइएको छ ।
घाइतेमध्ये तीन जनाको अवस्था गम्भीर रहेको इलाका प्रहरी कार्यालय गोरुसिंगेले जनाएको छ ।
दुवै सवारी साधनसहित टिपर चालकलाई इलाका प्रहरी कार्यालय गोरुसिङगेले नियन्त्रणमा लिएको छ ।