लमजुङ घनपोखरामा जिप दुर्घटना : १५ यात्रु घाइते, १० जनाको अवस्था गम्भीर

लमजुङ १ भदौ । लमजुङको मर्स्याङ्दी गाउँपालिका–२ घनपोखरामा बुधबार दिउँसो जिप दुर्घटना हुँदा १० जना गम्भीर घाइते भएका छन् ।

बेसीसहरदेखि घनपोखरा जाँदै गरेको ग१ज ७४१७ नम्बरको जिप घनपोखराको भाचेस्थित सडकबाट बीस मिटर तल खसेको थियो ।

दुर्घटनामा परी १५ जना घाइते भएका छन् । घाइते मध्ये १० जना गम्भीर घाइते भएका छन् । घाइतेको प्रहरी र स्थानीय मिलेर उद्धार गरेको स्थानीय राम गुरूङले बताए ।

घाइतेलाई ४ वटा जिपमा उद्धार गरी लमजुङ जिल्ला अस्पताल ल्याउँदै गरिएको लमजुङका प्रहरी प्रमुख डिएसपी प्रकाश श्रीमलले बताए । घाइते सबै स्थानीय रहे पनि नामथर खुल्न सकेको छैन ।