प्युठानमा जिप दुर्घटना : मृतकको संख्या तीन पुग्यो [अपडेट]
प्युठान, ३० साउन । प्युठानमा आइतबार भएको जिप दुर्घटनामा परी मृत्यु हुनेको संख्या तीन पुगेको छ ।
मृत्यु हुनेमा नौवहिनी गाउँपालिका–५ सानो डाम्री निवासी ४ वर्षीया करुणा बुढामगर र २५ दिनकी चेतना बुढामगरको र २५ वर्षीय लुकेश थापा रहेका छन् । उनीहरूको उपचारको क्रममा ज्यान गएको जिल्ला प्रहरी कार्यालय प्युठानले जनाएको छ ।
दुर्घटनामा घाइते भएकाहरूको जिल्ला अस्पतालमा उपचार भइरहेको छ । गम्भीर घाइते एक जनालाई रिफर गरिएको प्रहरीले जनाएको छ ।
आइतबार साँझ ५ बजे बागदुलाबाट डाम्रीतर्फ जाँदै गरेको लु १ ज १५४५ नम्बरको जिप प्युठानको नौबहिनी गाउँपालिका–६ बहाने बजार नजिकै दुर्घटना हुँदा नौ जना घाइते भएकोमा तीन जनाको ज्यान गएको हो ।