‘मेरो बोली सुन्दा’को फिमेल भर्सन सार्वजनिक [भिडिओ]
काठमाडौँ, ५ असार । ‘मेरो बोली सुन्दा’ फिमेल भर्सनमा सार्वजनिक भएको छ। १ दशकअघि अगाडि सार्वजनिक यो गीत मेल भर्सनमा निकै लोकप्रिय भएको थियो ।
मुनाल शिशिर कोइरालाको शब्द तथा नरहरि प्रेमीको संगीत रहेको यस गीतमा गायिका सुजाता केसीले स्वर दिएकी छन् । गीतलाई उदय राज पौडेलले संगीत संयोजन गरेका हुन् ।
म्युजिक भिडिओमा दिक्पाल कार्की, रोशनी कार्की र इष्टु कार्की फिचर्ड छन् । सुजन श्रेष्ठले छायाँकन गरेको भिडिओलाई दिन्सन शाहले सम्पादन गरेका हुन् । मुनाल शिशिर कोइरालाको निर्देशनमा भिडिओ तयार पारिएको हो ।
भिडियो गायिका केसीको आधिकारिक च्यानल ‘सुजाता केसी’मार्फत् सार्वजनिक भएको हो । यसअघि गायिका केसीको स्वरमा समावेश ‘बतास बनी’, ‘जाल बुन्यो माकुराले’, ‘कुरा सिधा छ’ लगायत थुप्रै गीतहरु सार्वजनिक भैसकेका छन् ।