सङ्खुवासभा बस दुर्घटना : १३ जनाको मृत्यु [अपडेट]
खाँदबारी । सङ्खुवासभाको मादी नगरपालिका–६ सातघुम्तीमा यात्रुवाहक बस दुर्घटना भएको छ । दुर्घटनामा परेर हालसम्म १३ जनाको मृत्यु भएको छ ।
अहिलेसम्म दुर्घटनामा मृत्यु भएका १३ जनाको शव निकालिएको जिल्ला प्रहरी कार्यालय सङ्खुवासभाका प्रहरी नायब उपरीक्षक लालध्वज सुवेदीले जानकारी दिए । उनका अनुसार मृतकको पहिचान हुन सकेको छैन । दुर्घटनामा पाँच जनाको जीवितै उद्धार गरिएको छ ।
दुर्घटनाको सम्पूर्ण विवरण आइनसकेको जिल्ला प्रहरी कार्यालयका डिएसपी लालध्वज सुवेदीले बताए । उनका अनुसार घटनाको थप विवरण संकलन भइरहेको छ । घाइते र मृत्यु हुनेको संख्याबारे जानकारी संकलन भइरहेको सुवेदीले बताए ।
बस मादीबाट झापाको दमकका लागि छुटेको थियो । आज बिहान करिब सवा ७ बजेतिर बा ४ ख ७३५ नम्बरको बस दुर्घटना भएको प्रहरीले जनाएको छ ।
बस सडकबाट करिब चारसय मिटर तल खसेको प्रहरीले जनाएको छ । बसमा २५ जना सवार रहेको प्रहरीको भनाइ छ ।