काठमाडौँमा ग्यास बोकेको ट्रक पल्टियो
काठमाडौँ । काठमाडौँको चन्द्रागिरि नगरपालिका–२ पिपलामोड नजिकै ग्यास सिलिन्डर बोकेको ट्रक दुर्घटना भएको छ ।
ना७ख ३९४९ नम्बरको ट्रक पिपलमोड र ढलानको बीचमा सोमबार राति १२ बजे दुर्घटना भएको हो । दुर्घटनामा मानवीय क्षति भने भएको छैन ।
ट्रक दुर्घटना हुँदा बाटोभरी ग्यास सिलिन्डरहरु छरिएका कारण राति दुईतर्फी आवतजावत बन्द भएको थियो । र्याकरको माध्यमबाट ट्रकलाई हटाएपछि मंगलबार बिहानदेखि राजमार्ग सुचारु भएको ट्राफिक प्रहरीले जनाएको छ ।
मंगलबार बिहान ६ बजेर १० मिनेटदेखि दुईतर्फी नै राजमार्ग खुलेको ट्राफिक प्रहरी प्रवक्ता एवम् प्रहरी उपरीक्षक सञ्जिव शर्मा दासले जानकारी दिए ।