स्पेनलाई हराउँदै फ्रान्सले जित्यो नेसन्स लिगको उपाधि
काठमाडौं । काठमाडौँ । युइएफए नेसन्स लिगको उपाधि फ्रान्सले जितेको छ । आइतबार राति इटालीको सान सिरोमा भएको खेलमा पुनरामगन गर्दै फ्रान्सले स्पेनलाई २–१ गोल अन्तरले हराएको हो ।
फ्रान्सको जितमा केलिएन एम्बाप्पे र करिम बेञ्जेमा नायक रहे । स्पेनको लागि माइकल ओयर्जबालले १ गोल गरे ।
खेलमा अग्रता भने स्पेनले बनायो । कप्तान सर्जीयो बुस्केटको पासमा ६४औँ मिनेटमा माइकलले सुरुवाती गोल गरे ।
खेलको ६६औँ मिनेटमा बेञ्जेमाले एम्बाप्पेको पास सदुपयोग गर्दै गोल गरे । खेल सकिन १० मिनेट बाँकी छँदा एम्बाप्पेले गोल गर्दै टोलीलाई उपाधि दिलाए ।
यसअघि भएको पहिलो खेलमा बेल्जियमलाई २–१ गोल अन्तरले पराजित गर्दै इटालीले तेस्रो स्थान हासिल गर्यो ।