लुम्बिनी वाणिज्य क्यापस विद्यार्थीद्वारा तोडफोड
काठमाडौं । नेपाल विद्यार्थी संघ र अखिल क्रान्तिकारीले बुटवलस्थित लुम्बिनी वाणिज्य क्याम्पस तोडफोड गरेका छन् ।
मंगलबार बिहान सत्तारुढ दल नेपाली कांग्रेस निकट नेविसंघ र नेकपा माओवादी केन्द्रनिकटको अखिल क्रान्तिकारीले क्याम्पस तोडफोड गरेका हुन् ।
क्याम्पसले त्रिभुवन विश्वविद्यालय अन्तर्गतको एमबिए र क्रमशः बिबिएस हटाउने निर्णय गरेपछि संयुक्त विद्यार्थी संगठनले आन्दोलनमा उत्रिएको थियो ।
आन्दोलनको क्रममा एमबिएसको प्रवेश परीक्षा फारम खुलाएर भर्ना प्रक्रिया अगाडि नबढाउदासम्म अटोमेस अन्तर्गतको कुनै पनि प्रवेश परीक्षा तथा भर्ना कार्यक्रम अगाडि बढाउन नदिने भनि संयुक्त विद्यार्थी संगठनले आन्दोलनको कार्यक्रम सार्वजनिक गरेको थियो तर क्याम्पस प्रशासनले त्यसको बेवास्ता गर्दै अटोमेसन अन्तर्गतका एमबिएस एफआई, एमबिए बिइएफको प्रवेश परीक्षा फारम खुलाएपछि नेविसंघ र क्रान्तिकारी क्याम्पस तोडफोड गरेका हुन् ।
तर, ती संगठनहरुले एक विज्ञप्ति प्रकाशन गर्दै विद्यार्थीहरुद्वा क्याम्पस प्रशासनमा तोडफोड भएको भन्दै क्षतिको जिम्मेवारी क्याम्पस प्रशासन र सञ्चालक समितिले लिनुपर्ने बताएका छन् ।