प्रधानमन्त्रीलाई गोविन्द केसीको खबरदारी : स्वास्थ्य राज्यमन्त्री श्रेष्ठलाई तत्काल पदमुक्त गरियोस्
काठमाडौं । डा. गोविन्द केसीले नवनियुक्त स्वास्थ्य राज्यमन्त्री उमेश श्रेष्ठलाई तत्काल पदमुक्त गर्न माग गरेका छन् ।
डा. केसीले मंगलबार प्रधानमन्त्री देउवालाई ६ बुँदे खबरदारी पत्र पठाउँदै स्वार्थ बाँझिने व्यक्तिलाई मन्त्री बनाएको भन्दै पदमुक्त गर्न माग गरेका हुन् ।
“नवनियुक्त स्वास्थ्य राज्यमन्त्री या त स्वास्थ्य र शिक्षा क्षेत्रमा रहेको आफ्नो सारा लगानीबाट तत्काल अलग हटेर स्वार्थको द्वन्द्व हुन अवस्था अन्त गरुन् । नत्र भने उनलाई तत्काल पदमुक्त गरियोस्,” केसीले पत्रमा लेखेका छन् ।
आइतबार मात्रै नियुक्त भएका स्वास्थ्य राज्यमन्त्री श्रेष्ठ व्यापारी पृष्ठभूमिका हुन् ।