युथ फोर्सको प्रशिक्षण सुरु
काठमाडौं । नेकपा (एमाले)का नेता महेश बस्नेतले केही दिनअघि ब्युँताइएको युथ फोर्सका सदस्यहरुलाई तालिम दिन सुरु गरेका छन् ।
भक्तपुरको सूर्यविनायकस्थित प्रस्तावित राष्ट्रिय प्राणी उद्यान केन्द्रमा आयोजित एक कार्यक्रमका बीच बस्नेतले प्रशिक्षण दिन सुरु गरेका हुन् ।
प्रशिक्षण कार्यक्रममा बोल्दै नेता बस्नेतले आफूहरुले कानुनलाई हातमा नलिने बताए । “हामी हत्या हिंसा गर्दैनौँ, मान्छेलाई दुःख दिँदैनौँ, निर्दोष व्यक्तिलाई दुःख दिँदैनौँ,” बस्नेतले भने ।
नेता बस्नेतले युथ फोर्सको विचार, कार्यकर्ता र शुभचिन्तकमाथि कसैले प्रहार गरेमा प्रतिरोधमा उत्रिन पनि निर्देशन दिए । उनले युथ फोर्समाथि अनेक आरोप लाग्न सक्ने बताउँदै सजग भएर अघि बढ्न पनि आग्रह गरे ।