ज्वाला संग्रौलासहित ३ जना पक्राउ
काठमाडौं । कुटपिट गरेको आरोपमा ज्वाला संग्रौलासहित ३ जना पक्राउ परेका छन् । युवा संघकी केन्द्रीय सदस्य खुस्बु घिमिरेले दिएको जाहेरीका आधारमा उनीहरुलाई महानगरीय प्रहरी परिसर टेकुले हिरासतमा लिएर अनुसन्धान थालेको हो ।
पक्राउ पर्नेमा आफूलाई अभियन्ता बताउने ज्वाला संग्रौला, हिमाल उपाध्याय र शर्मिला वाइबा रहेका छन् ।
पक्राउ परेका उनीहरुमाथि कुटपिट, अभद्र व्यवहार तथा प्रहरीमाथि समेत हातपात गरेको अभियोग छ ।
खुस्बुमाथि गत जेठ १६ गते गौशाला प्रहरी वृत्तको हिरासतमा ज्वालाको समूहले आक्रमण गरेको थियो । त्यसविरुद्ध उनले टेकु प्रहरी परिसरमा उजुरी गरेकी थिइन् ।