सोलुखुम्बुमा ४ जनालाई कोरोना संक्रमण
सोलुखुम्बु । सोलुखुम्बुका ४ जनामा कोरोना भाइरस (कोभिड–१९) संक्रमण पुष्टि भएको छ ।
जिल्ला अस्पताल फाप्लुमा आज गरिएको एन्टिजेन परीक्षणमा चार जनाको रिपोर्ट पोजेटिभ आएको जिल्ला स्वास्थ्य कार्यालय सोलुखुम्बुले जनाएको छ ।
संक्रमितमध्ये २ जना महिला र २ जना पुरुष रहेको कार्यालयका कोरोना फोकल पर्सन राम कुमार विश्वकर्माले जानकारी दिए ।
उनका अनुसार तीन जना काठमाडौंबाट र एक जना सोताङबाट आएका नागरिक हुन् । संक्रमितहरु १९, २५, ३० र ६२ वर्ष उमेरका छन् ।