एमाले स्थायी कमिटी बैठक बस्दै, नेपाल पक्षको भूमिकाबारे छलफल हुने
काठमाडौं । नेकपा (एमाले) अध्यक्ष केपी शर्मा ओलीले स्थायी कमिटी बैठक बोलाएका छन् । अपरान्ह ४ बजे प्रधानमन्त्री निवास बालुवाटारमा बैठक बस्न लागेको एमाले केन्द्रीय कार्यालय सचिव शेर बहादुर तामाङले जानकारी दिए ।
प्रतिनिधिसभा विघटन भइसकेको अवस्थामा पार्टीले रणनीति र यसबीचमा माधव कुमार नेपाल पक्षले नेपाली कांग्रेस नेतृत्वमा सरकार गठन गर्न चालेको कदम तथा राष्ट्रियसभा उपनिर्वाचनमा एमाले उम्मेदवार हराउन भूमिका खेलेको विषय बैठकको एजेन्डा रहेको बताइएको छ ।
अध्यक्ष ओलीले नेपाल पक्षको भूमिका क्षम्य नरहेको भन्दै कारबाहीको संकेत गरेका छन् ।