नेपालको ४३औँ प्रधानमन्त्रीकारुपमा ओलीले लिए शपथ
काठमाडौं । नवनियुक्त प्रधानमन्त्री केपी शर्मा ओलीले सपथ लिएका छन् । तेस्रो पटक प्रधानमन्त्री बनेका ओलीले नेपालको ४३औँ प्रधानमन्त्रीकारूपमा सपथ लिएका हुन् ।
राष्ट्रपति विद्यादेवी भण्डारीले शितल निवासमा आयोजित विशेष समारोहकाबीच ओलीलाई पद तथा गोपनीयताको शपथ गराएकी हुन् ।
शपथ ग्रहण समारोहमा उपराष्ट्रपति नन्दबहादुर पुन, सभामुख अग्निप्रसाद सापकोटा, प्रधानन्यायाधीश चोलेन्द्र शमसेर राणा, राष्ट्रियसभाका अध्यक्ष गणेशप्रसाद तिमिल्सिनालगायतका विशिष्ट व्यक्तिहरूको उपस्थिति रहेको छ ।
गठबन्धन सरकारका लागि दिएको समयसीमा सकिएपछि बिहीबार राति अबेर राष्ट्रपति विद्यादेवी भण्डारीले संविधानको धारा ७६ (३) बमोजिम सबैभन्दा ठूलो दलको संसदीय दलको नेताकारूपमा ओलीलाई प्रधानमन्त्री नियुक्त गरेकी थिइन् ।
नेपालमा कम्युनिस्टबाट धेरैपटक प्रधानमन्त्री बन्ने ओली पहिलो व्यक्ति भएका छन् ।