काठमाडौं उपत्यकामा थपिए करिब ३ हजार संक्रमित
काठमाडौं । बितेको २४ घन्टामा काठमाडौं उपत्यकामा २ हजार ९ सय ५६ जनामा कोरोना भाइरस संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार काठमाडौंमा २ हजार ४ सय ४, ललितपुरमा ४ सय १९ र भक्तपुरमा १ सय ३३ जना गरी उपत्यकामा २ हजार ९ सय ५६ जना संक्रमित भेटिएको हो ।
देशभरबाट देशभरबाट ५ हजार ७ सय २७ जनामा कोरोना भाइरस संक्रमण पुष्टि भएको छ । योसँगै कुल कोरोना संक्रमितको संख्या ३ लाख २३ हजार १ सय ८७ पुगेको छ । यीमध्ये ३८ हजार ८ सय १३ जना सक्रिय संक्रमित अवस्थामा रहेका छन् ।
संक्रमितहरुमध्ये मुलुकभरका विभिन्न अस्पतलाको आइसियूमा ३ सय ३१ जना र भेन्टिलेटरमा १ सय १५ जना उपचाररत छन् ।
शुक्रबार देशभर ९ सय २८ जनाले कोरोना संक्रमणमुक्त भएर फर्किएका छन् । पछिल्लो २४ घन्टामा संक्रमणमुक्त भएका ९ सय २८ जनासँगै देशभर कोरोना जित्नेको संख्या २ लाख ८१ह जार ९५ जना पुगेको छ । निको हुने दर ८६.९ प्रतिशत रहेको छ ।
पछिल्लो २४ घन्टा अवधिमा ३३ जनाको संक्रमणबाट मृत्यु भएको छ । योसँगै हालसम्म मृत्यु हुनेको संख्या ३ हजार २ सय ७९ पुगेको छ ।