काठमाडौं, ललितपुर र भक्तपुरका सिडिओको बैठक आज, निषेधाज्ञाबारे निर्णय हुने
काठमाडौं । काठमाडौं, ललितपुर र भक्तपुरका प्रमुख जिल्ला अधिकारीहरुको बैठक आज बस्ने भएको छ ।
कोरोना संक्रमितको संख्या दिन प्रतिदिन वृद्धि भइरहेको सन्दर्भमा न्यूनिकरणका लागि के गर्न सकिन्न भन्नेबारे छलफल गर्न सिडिओहरुको बैठक बस्न लागेको हो ।
कोरोना संकट व्यवस्थापन केन्द्र (सिसिएमसी)ले ५ सयभन्दा बढी संक्रकित फेला परेका ठाउँमा निषेधाज्ञा लगाउन सिफारिस गरेपछि काठमाडौं, ललितपु र भक्तपुरका सिडिओ छलफलमा जुट्न लागेका हुन् ।
यी तीन वटै जिल्लामा ५ सयभन्दा बढी संक्रमित छन् ।
कोरोना जोखिम र आवश्यक पर्ने कदमबारे छलफल गरी निर्णयमा पुगिने ललितपुरका सिडिओ ढुण्डीप्रसाद निरौलाले जानकारी दिए ।