भेरी अस्पतालमा १८३ नमुना परीक्षण गर्दा १२७ जनामा काेराेना संक्रमण पुष्टि
नेपालगञ्ज । बाँकेको भेरी अस्पतालमा गरिएको १ सय ८३ जनाको कोरोना परीक्षण गर्दा १ सय २७ जनामा संक्रमण पुष्टि भएको छ ।
पछिल्लो २४ घन्टामा १ सय ८३ जनाको नमुना परीक्षण गर्दा १ सय २७ जनामा कोरोना संक्रमण पुष्टि भएको अस्पतालका मेसु डा. प्रकाश बहादुर थापाले जानकारी दिए । उनका अनुसार संक्रमण दर ६९.४ प्रतिशत हुन आउँछ ।
कोरोना संक्रमित भएका १ सय २७ जनामध्ये ५ जना सोही अस्पतालका कर्मचारी रहेको उनले बताए ।
मेसु डा. थापाका अनुसा कोरोना संक्रमितमध्ये भेन्टिलेटरमा ७ जना, आइसियूमा ४० जना र कोभिड वार्डमा ४३ जना राखेर उपचार भइरहेको छ ।