कोसी अस्पतालमा उपचाररत कोरोना संक्रमितको मृत्यु
झापा । विराटनगरको कोसी अस्पताल कोभिड–१९ उपचार केन्द्रमा उपचाररत एक संक्रमितको मृत्यु भएको छ ।
आइतबार राति झापा दमकका ९२ वर्षीय पुरुषको मृत्यु भएको हो ।
उपचार केन्द्रका फोकल पर्सन एपोलो भगतका अनुसार गत चैत २५ मा कोरोना संक्रमण देखिएपछि उनीसहित परिवारका ४ जना अन्य आफन्त पनि सोही अस्पतालमा भर्ना भएका थिए ।
चिनी रोगी वृद्धको उपचारका क्रममा आइतबार राति करिब १२ बजे मृत्यु भएको फोकल पर्सन भगतले जानकारी दिए ।
मृत्यु भएका वृद्धको शव राति नै आफन्ताको जिम्मा लगाइएको उनले बताए ।
दमकमा मात्रै कोरोना संक्रमणबाट ३६ जनाको मृत्यु भइसकेको छ ।