आहा ! रारा गोल्ड कपः सहारा क्लब एपिएफसँग १–०ले स्तब्ध
काठमाडौं । सशस्त्र प्रहरी बल (एपिएफ) १९औँ आहा रारा गोल्ड कपको सेमिफाइनलमा प्रवेश गरेको छ । एपिएफले उद्घाटन खेलमा आयोजक सहारा क्लबलाई १–० ले गोल अन्तरले पराजित गरेको हो ।
एपिएफलको जितमा आशिष लामाले गोल गरे । लामाले खेल सकिन ३ मिनेट बाँकी रहँदा गोल गर्दै टोलीलाई जित दिलाए ।
प्रदीप लामाले डिबक्सभित्र मिलाइदिएको अवसरलाई लामाले प्रहार सिधैँ जाली चुमेको थियो ।
पहिलो हाफमा आयोजक सहाराले बलमाथि नियन्त्रण राख्न सफल भएपनि मुभ बनाउन सकेन । एपिएफले केही अवसर भने सृजना गर्दै घरेलु मैदानमा घरेलु टोलीलाई व्यस्ता बनाइराख्यो ।
सहारा घरेलु मैदानमा फेरि एकपटक निराश हुन पुग्यो । दुई वर्षअघि पनि एपिएफले उद्घाटन खेलमै पराजित गरेको थियो ।
लामा खेलको म्यान अफ द म्याच घोषित भए ।
प्रतियोगिता अन्तगर्त आइतबार लिग विजेता मछिन्द्र क्लब र अफ्रिकन रुट एसोसिएसनबीच खेल हुनेछ ।