दश दिनपछि कर्णाली किनारमा रजनीको शव भेटियो
कर्णाली । आठबीस नगरपालिका ३ दैलेखकी निमाइलकी ७ वर्षीया रजनी बडुवालको शव १० दिनपछि कर्णाली नदी किनारमा भेटिएको छ ।
गत फागुन २४ गते रजनी, उनकी आमा सुकी बडुवालसहित एकै परिवारका ५ जनाले कर्णाली नदीमा हामफालेका थिए । रजनीको शव मंगलबार दैलेख प्रहरीले कर्णाली नदी किनारमा अछामको असाराघाट नजिकै भेटेको हो ।
बालिकाको शव डोरीले बाँधिएको अवस्थामा भेटिएको प्रहरीले जनाएको छ । जिल्ला प्रहरी कार्यालय दैलेखका प्रहरी नायब उपरीक्षकले सडिसकेको अवस्थामा शव भेटिएको र आफन्तले शव पहिचान गरेपछि परीक्षणका लागि अछाम पठाउने तयारी गरिएको जानकारी दिए ।