नाडाल अष्ट्रेलियन ओपनको क्वाटरफाइनलबाटै बाहिरियो
मेलबर्न । स्पेनिस टेनिस खेलाडी राफेल नाडाल अष्ट्रेलियन ओपन २०२१ को क्वाटरफाइनलबाट बाहिरिएको छ ।
विश्व नम्बर दुई टेनिस स्टार नाडाल क्वाटरफइनलमा ग्रिसका पाँचौँ वरियताका स्टेफानोस त्सिटिपाससँग ३–२ को सेटमा पराजित हुँदै प्रतियोगिताबाट बाहिरिएको हो ।
रोड लेवर एरिनामा भएको संघर्षपूर्ण खेलमा स्टेफानोस त्सिटिपासलाई पाँचौँ सेटको नतिजासम्म कुर्नुपर्यो । पहिलो र दोस्रो सेट ६-३ र ६-२काे सेटमा सहज जित हात पारेको नाडाललाई स्टेफानोस त्सिटिपासले उत्कृष्ट पुनरागमन जनाउँदै ७–६(७–४), ६–४ तथा ७-५ को सेटमा नतिजा आफ्नो पक्षमा पार्यो ।
स्टेफानोस त्सिटिपासले सेमिफाइनलमा रसियन दानिल मोदवेदेवसँग भिड्ने भएको छ ।
आजै भएको पहिलो खेलमा दानिल मोदवेदेव अष्ट्रेलियन ओपन २०२१ को सेमिफाइनलमा प्रवेश गरेको छ ।
क्वाटरफाइनलको खेलमा आफ्नै देशका ७औँ वरियताका एन्ड्रे रुबलभलाई साझो सेटमा पाराजित गर्दै अघिल्लो चरणमा पुगेको हो ।
मोदवेदेवले एन्ड्रे रुबलभलाई ७–५, ६–३ र ६–२ को सेटमा पराजित गरेको हो ।