पहिलाे टेष्टमा दक्षिण अफ्रिकामाथि पाकिस्तानको सहज जित
कराची । टेष्ट च्याम्पियनसीप अन्तर्गत दक्षिण अफ्रिकाविरुद्धको पहिलो टेष्टमा पाकिस्तान विजयी भएको छ । जितसँगै दुई खेलको टेष्ट सिरिजमा १-०को अग्रता लिएको छ ।
टेष्टको चौथो दिन दक्षिण अफ्रिकाले दिएको ८८ रनको लक्ष्य पाकिस्तानले ३ विकेटको क्षतिमा पुरा गर्दै ७ विकेटको जित हात पारेको हो । पाकिस्तानको जितमा अझर अलीले अविजित ३१ तथा बाबर आजमले ३० रनको योगदान दिए ।
पहिलो पारीमा १ सय ५८ रनले पछि परेको दक्षिण अफ्रिकाले दोस्रो इनिङ्समा २ सय ४५ रन बनाएपछि पाकिस्तानलाई ८८ रनको लक्ष्य दिएको थियो ।
दक्षिण अफ्रिकाका एडिन मर्कामले ७४, भान डेर डसनले ६४, तेम्बा बवुमाले ४०, डिन एलगरले २९ रन बनाएका थिए ।
पाकिस्तानका नौमन अलीले ५, यासिर साहले ४ तथा हसन अलीले एक विकेट हात पारे ।
नेसनल स्टेडियम कराचीमा टस जितर पहिले ब्याटिङमा उत्रिएको दक्षिण अफ्रिकाले पहिलो पारीमा २ सय २० रन बनाएको थियो ।
फवाद आलमको शतकीय पारीको मद्धतमा पाकिस्तानले पहिलो पारीमा ३ सय ७८ रन बनाएको थियो । यस्तै, फहीम अस्रफले ६४, अझर अलीले ५१ थगा यासिर साहले ३८ रनको योगदान दिए ।