पाकिस्तानलाई १३ रनले पराजित गर्दै दक्षिण अफ्रिकाद्वारा सिरिज कब्जा

410

डर्बान । पाकिस्तानविरुद्धको दोस्रो एकदिवसीयमा दक्षिण अफ्रिका १३ रनले विजयी भएको छ । जितसँगै दक्षिण अफ्रिकाले तीन खेलेको सिरिजमा एक खेल अगावै कब्जा जमाएको छ ।

दक्षिण अफ्रिकाले दिएको २ सय ५३ रनको लक्ष्य पाएको पाहुना टोली पाकिस्तानले २ सय ३९ रन मात्र बनाउन सक्यो ।

पाकिस्तानका अलिया रियाजले ८१, निदा दारले ५१, ओमाइमा सोहेलले ४१ तथा फतिमा सनाले २२ रनको पारी खेले पनि टोलीलाई जित दिलाउन सकेनन् ।

दक्षिण अफ्रिकाका अयबोङ्गा खाकाले ४ तथा मरिजने कप्पले ३ विकेट लिइन् ।

डर्बानमा टस हारेर पहिले ब्याटिङको निम्तो पाएको घरेलु टोलीले निर्धारित ५० ओभरमा ७ विकेट गुमाउँदै २ सय ५२ रन बनाएको थियो ।

दक्षिण अफ्रिकाका मरिजने कप्पले ६८, लिजेल लीले ४७, सन लुसले ३२, लौरा वोल्वार्डले २७, लारा गुडल २६ रनको पारी खेलिन् ।

जितसँगै दक्षिण अफ्रिकाले तीन खेलको सिरिज एक खेल अगावै २-० ले जितेको छ । दक्षिण अफ्रिकाले पहिलो खेलमा पाकिस्तानलाई ३ रनले पराजित गरेको थियो ।

Share This:
सम्बन्धित खबर
Loading...