सन्दीप लामिछाने पिएसएल ड्राफ्टको सबैभन्दा महँगो क्याटगोरीमा
काठमाडौं । नेपाली राष्ट्रिय टोलीका सदस्य एवं लेग स्पिनर सन्दीप लामिछाने पाकिस्तान सुपर लिग (पिएसएल) को ड्राफ्टमा प्लाटिनम क्याटगोरीमा परेका छन् । पिएसएलले मंगलबार एक ट्वीट गर्दै उक्त कुराको जनाकारी दिएको हो ।
१० जनवरीमा हुने ड्राफ्टको विदेशी खेलाडीतर्फ प्लाटिनम क्याटगोरीमा सन्दीपसहित वेष्ट इन्डिजका क्रिस गेल, कार्लोस ब्राथवाइट, इविन लेविस, ड्वेन ब्रोबो र लेण्डल सिमोन्सगरी पाँच जना खेलाडी रहेका छन् ।
✨Platinum Pachees ✨
The six franchises will now be making key trade and retention decisions before the #HBLPSLDraft, with each team allowed a maximum of eight retentions ahead of the Draft.
Who are your top picks from the Platinum Players roster? #HBLPSL pic.twitter.com/aQXaZOVwwx
— PakistanSuperLeague (@thePSLt20) January 5, 2021
यस्तै, दक्षिण अफ्रिकाका ७, इंग्ल्यान्डका ५, अफगानिस्तानका ३, श्रीलंकाका २ तथा अष्ट्रेलिया र बंगलादेशका एक/एक गरी २५ जना रहेका छन् ।
सन्दीपले २०१९ मा लाहोर क्वालन्दरमा आवद्ध भइ पिएसएलमा डेब्यु गरेका थिए ।
पिएसएलमा इस्लामावाद युनाइटेड, कराँची किङ्स, लाहोर क्वालन्दर्स, मुल्तान सुल्तान, पेसावर जालमी र क्वेटा ग्वाडिएटर्स गरी ६ वटा टोली रहेका छन् ।