एटिएम फुटाउँदै गरेको अवस्थामा पक्राउ
काठमाडौं । एटिएम फुटाउँदै गरेको अवस्थामा एक जना पक्राउ परेका छन् । काठमाडौं महानगरपालिका-३२ मुनिभैरवस्थित एनआइसी एसिया बैंकको एटिएम मेसिन फुटाउँदै गरेको अवस्थामा पक्राउ परेका हुन् ।
काठमाडौं महानगरपालिका-३२ कोटेश्वर बस्ने सिन्धुपाल्चोक बाह्रबिसे घर भएका १९ वर्षीय अनिल तामाङलाई आइतबार राति प्रहरीले पक्राउ गरेको हाे ।
उक्त एटिएमको तल्लो भाग फुटाइ अन्य भाग फुटाउँदै गरेको अवस्थामा महानगरीय प्रहरी प्रभाग कोटेश्वरबाट खटिएको प्रहरीले फेला पारी उनलाई पक्राउ गरेको थियाे ।
यस सम्बन्धमा प्रहरीले थप अनुसन्धान गरिरहेको छ ।