थप १,४७४ जनामा संक्रमण पुष्टि : कोरोना मुक्त हुनेको संख्या दुई लाख १४ हजार नाघ्यो
काठमाडौं । पछिल्लो २४ घन्टामा मुलुकभर एक हजार ४ सय ७४ जनामा कोरोना भाइरस संक्रमण पुष्टि भएको छ । यसैगरी गत २४ घन्टामा एक हजार ९ सय ३१ जना कोरोना संक्रमण मुक्त भएको स्वास्थ्य तथा जनसङ्ख्या मन्त्रालयले जनाएको छ ।
योसँगै हालसम्म कोरोना संक्रमणमुक्त हुनेको सङ्ख्या दुई लाख १४ हजार ५ सय २१ पुगेको छ । नेपालका हालसम्म दुई लाख ३३ हजार ४ सय ५२ जनामा कोरोना संक्रमण पुष्टि भएको छ । मन्त्रालयका अनुसार हाल मुलुकभर १७ हजार ४ सय २३ जना सक्रिय संक्रमित छन् ।
पछिल्लो २४ घन्टामा कोरोनाका कारण २९ जनाको मृत्यु भएसँगै नेपालमा हालसम्म कोरोनाका कारण मृत्यु हुनेको सङ्ख्या एक हजार ५ सय ८ पुगेको छ ।